MDHga raislik O‘zbekistonga o‘tadi. Bu qaror barcha tomonidan qo‘llab-quvvatlandi

^{Foto: Prezident matbuot xizmati}
Turkmaniston poytaxti Ashxobod shahrida 11 oktyabr kuni MDH Davlat rahbarlari kengashi majlisi bo‘lib o‘tdi. Yig‘ilishda Prezident Shavkat Mirziyoyev ishtirok etdi, deya xabar bermoqda O‘zbekiston davlat rahbarining matbuot xizmati.

Davlat rahbarlari dastlab tor doirada muzokara o‘tkazgan. Unda nutq so‘zlagan Shavkat Mirziyoyev MDH doirasida ko‘p tomonlama hamkorlikni kengaytirish zarurligini qayd etgan hamda sheriklikning istiqbolli yo‘nalishlariga alohida e’tibor qaratgan.

^{Foto: Prezident matbuot xizmati}
MDH O‘zbekiston uchun, avvalo, savdo-iqtisodiy aloqalarni rivojlantirish, turli tarmoqlarda qo‘shma loyihalarni amalga oshirish, transport-kommunikatsiya va tranzit salohiyatini ro‘yobga chiqarish, xavfsizlikni mustahkamlash, madaniy-gumanitar almashinuvlarni kengaytirish jihatidan manfaatlidir.

^{Foto: Prezident matbuot xizmati}
So‘nggi yillarda O‘zbekistonning ushbu tashkilotdagi ishtiroki ancha faollashdi. 2019 yili O‘zbekistonda MDHning ko‘plab tadbirlari o‘tkazildi. «Uchrashuvda 2020 yilda MDHda raislik O‘zbekistonga o‘tishi to‘g‘risidagi qaror barcha tomonidan qo‘llab-quvvatlandi», — deyiladi rasmiy axborotda.

Yangiliklar