“Oliy Majlis Senati yalpi majlisida Adliya vazirligi tomonidan ishlab chiqilgan 3 ta moddadan iborat “O‘zbekiston Respublikasi Prezidenti faoliyatining asosiy kafolatlari to‘g‘risida”gi O‘zbekiston Respublikasi qonuniga qo‘shimcha kiritish haqida”gi qonun muhokama qilindi”, deb xabar bermoqda parlament yuqori palatasi axborot xizmati.
Qonun bilan Prezidentning farqlovchi belgilari, ya’ni o‘z belgisi va shtandarti (bayrog‘i)ni joriy qilish taklif etilmoqda. Qonunda belgi va shtandart (bayrog‘i) tavsifi, ulardan rasmiy foydalanish tartibi O‘zbekiston Respublikasi Prezidenti tomonidan belgilanishi nazarda tutilgan.
Davlat rahbarining farqlovchi belgilarini joriy qilgan xorijiy davlatlarda davlat rahbarining belgisi va shtandarti yangi saylangan Prezidentga qasamyod qabul qilgandan keyin inauguratsiya paytida topshirilishi belgilangan. O‘zbekiston Respublikasi qonunchiligida ushbu masalalar tartibga solinmagani bois, qonunchilikni tegishli mazmundagi norma bilan to‘ldirish taklif etilmoqda.
Qonunni ishlab chiqishda milliy qonun hujjatlari, yurist-olimlar fikrlari, xorijiy mamlakatlar, shu jumladan Rossiya Federatsiyasi, Ukraina, Ozarboyjon, Qozog‘iston, Qirg‘iziston, Tojikiston va Turkmaniston tajribasi o‘rganilgan.
Qonunning qabul qilinishi O‘zbekiston Respublikasining qonunchiligini ilg‘or xorijiy tajribaga muvofiq takomillashtirish hamda O‘zbekiston Respublikasi Prezidentining farqlovchi belgilaridan foydalanish tartibini belgilashga ko‘maklashishi qayd etildi.
Qonun senatorlar tomonidan ma’qullangan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Abduqodir Husanov Osiyo Kubogi finalida O‘zbekiston termasiga yordam bera olmaydi
Suvning fanga noma’lum bo‘lgan yangi xususiyati topildi
Shavkat Mirziyoyev: Jahonda investorlar uchun mislsiz kurash ketyapti
Polsha generali: “Rossiya va Belarus bilan chegarada minalangan maydonlarni o‘rnatish kerak”
Hamid Sodiq: “Agar qonunlar ishlamasa, qonunlarning vazifasini korrupsiya bajarishni boshlaydi”
Rossiyada Ishim daryosidagi suv sathi tarixiy rekordni yangiladi
Toshkent markazidagi ko‘chalardan birida asfalt o‘pirilib tushdi