La Liga. «Real» 5 ta gol urilgan o‘yinda mag‘lubiyatga uchradi va 2-o‘ringa tushib ketdi

Futbol bo‘yicha Ispaniya La Ligasining 13-turida «Real» 7 noyabr, dushanba kuni «Rayo Valekano» mehmoni bo‘ldi.

Uchrashuvning 5-daqiqasidayoq mezbonlar oldinga chiqib oldi. Bunga madridliklar Luka Modrich va Eder Militaoning gollari bilan javob qaytardi.

Birinchi bo‘lim yakunlanishi arafasida Alvaro Garsiya muvozanatni tikladi. 67-daqiqada Oskar Trexo maydon egalarining uchinchi golini urdi. Qolgan vaqtda hisob o‘zgarmadi.

Shu tariqa «Real» 32 ochko bilan ikkinchi o‘rinda qolib ketdi. «Rayo Valekano» esa ochkolarini 21 taga yetkazib olgan holda 8-pog‘onaga ko‘tarildi.

13-turdan keyin La Liga musobaqa jadvali quyidagi ko‘rinishni oldi:

«Rayo Valekano» — «Real Madrid» 3:2
Gollar: 1:0 – 5 Komesanya, 1:1 – 37, penalti Modrich, 1:2 – 41 Militao, 2:2 – 44 Garsiya, 3:2 – 67, penalti Trexo.
«Rayo Valekano»: Dimitriyevski, Baliu, Lejen, Katena, Fran Garsiya, Trexo (Unai Lopes, 71), Garsiya (Salvi Sanches, 88), Palason (Chavarriya, 88), Komesanya (Siss, 79), Oskar Valentin, Kamelo (Falkao, 88).
«Real Madrid»: Kurtua, Karvaxal (Vaskes, 85), Alaba, Militao, Mendi (Nacho, 85), Modrich (Mariano Dias, 79), Valverde, Tchuameni (Kamavinga, 69), Asensio, Vinisius Junior, Rodrigo.
Ogohlantirishlar: Katena (2), Vinisius Junior (11), Trexo (48), Modrich (60), Karvaxal (65), Rodrigo (70), Baliu (87), Chavarriya (90), Vaskes (90+8). “Zamin” yangiliklarini “Odnoklassniki”da kuzatib boring