Foto: “Real Madrid”
“Real Madrid” hujumchisi Karim Benzema madridliklar klubini tark etadi. Bu haqda klub matbuot xizmati ma’lum qildi.
Klub bayonotida aytilishicha, tomonlar o‘zaro kelishuvga ko‘ra shartnomani bekor qilgan. “Real” futbolchining keyingi faoliyatida omad tilagan.
Avvalroq 35 yoshli futbolchiga Saudiya Arabistonining “Al-Ittihod” klubidan taklif borligi xabar qilingandi. Arab klub Benzemaga ikki yillik shartnoma uchun 200 million yevro taklif qilgan.
Karim “Lion” tarbiyalanuvchisi bo‘lib, 2009 yilda “Real” safiga kelib qo‘shilgandi. Fransiyalik futbolchi “Qirollik klubi” safidagi 14 yil davomida 25 ta sovringa ega chiqdi. Ular orasida 5 ta Chempionlar Ligasi sovrini va 4 ta La Liga chempionligi bor. 2022 yilda Benzema “Oltin to‘p”ga ega chiqdi.
Benzema Madrid jamoasi safida 647 ta o‘yin o‘tkazib, 353 ta gol urishga muvaffaq bo‘ldi. “Real” tarixida faqat Krishtianu Ronaldu (450) undan ko‘p gol urgan.
Joriy mavsum fransuz barcha musobaqalar doirasida 42 ta o‘yin o‘tkazdi va 30 ta gol urdi.
Avvalroq “Real” Marko Asensio, Eden Azar va Mariano Diasning ketishi haqida ma’lum qilgandi.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ijtimoiy tarmoqlar davrida ruhiy salomatlikni qanday saqlash mumkin?
Eron AQSHdan 1 trln dollar kompensatsiya talab qildi
Omega-3 qanday qilib ozishga yordam beradi?
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Shimoliy Koreya Rossiyaga uzoqqa zarba beruvchi qurollar yubordi
Kim Chen In harbiylarni jangovar holatda turishga chaqirdi
Rashida Tolib Kongress a’zolariga «achchiq haqiqat»ning suratini ko‘rsatdi
Turkiya Isroil prezidenti samolyotini havo hududiga kiritmadi
