“Real” rahbariyati PSJ hujumchisi Kilian Mbappe transferidan to‘liq voz kechdi va uni qo‘lga kiritish harakatlarini to‘xtatdi. Bu haqda Cadena SER nashri xabar tarqatdi.
Manbaning ta’kidlashicha, endi madridliklar 24 yoshli forvardni so‘rab, parijliklarga murojaat qilmaydi. Mbappe yozda erkin agentga ayolanishi ham “Real” vakillarini qiziqtirmasligi aytilmoqda.
Bunga o‘ziga yarasha sabablar bor. Eng muhimi, Kilian Mbappe so‘raydigan xizmat haqining yuqoriligi “Qirollik klubi”ga to‘g‘ri kelmas ekan.
“Real” keyingi paytda 20 yosh bo‘lgan salohiyati yuqori o‘yinchilarni transfer qilish siyosatidan chetlashmoqchi emas.
Mbappening o‘zi har doim “Real”da o‘ynashni orzu qilganini ta’kidlab keladi. Biroq fransiyalik forvard 2022 yilning yozida uni Madridda kutashayotgan bir paytda PSJda qolishni ma’qul ko‘rgani “Real” rahbariyati, xususan, klub prezidenti Florentino Peresg juda og‘ir botgan.
“Zamin” yangiliklarini “Odnoklassniki”da kuzatib boring
