"MYu" Ibrohimovich dubli evaziga "Sautgempton"ni yutdi

"Manchester Yunayted" Angliya Premer-ligasining 2-turida o‘z maydonida "Sautgempton"ni 2:0 hisobida yutdi. Pol Pogba "MYu"ga qaytgandan keyin o‘zining birinchi uchrashuvini o‘tkazdi va o‘yinning boshidan oxirigacha maydonda harakat qildi.

"MYu" safida ikkala golni ham Zlatan Ibrohimovich kiritdi: u 1-bo‘limda Ueyn Runining to‘p uzatishidan keyin boshi bilan raqib darvozasini ishg‘ol qila oldi, 2-bo‘limda esa penaltini ishonchli amalga oshirdi.

Angliya Premer-ligasi. 2-tur
Manchester Yunayted – Sautgempton – 2:0
Gollar: Ibrohimovich, 36 (1:0); Ibrohimovich, 52 (2:0, pen).