Hasanboy Do‘stmatovga yutqazgan Saken Bibossinov qozog‘istonliklarga murojaat qildi

^{Foto: “Sports”}
Qozog‘istonlik bokschi Saken Bibossinov Parij Olimpiadasida O‘zbekiston vakiliga mag‘lubiyatga uchraganidan so‘ng yurtdoshlariga murojaat qildi.

“Hurmatli qozoq xalqi!
Tokio Olimpiadasida bronza medalini qo‘lga kiritganimda, Parij Olimpiadasiga qaytib, oltin medalni qo‘lga kiritaman va maqsadimga erishaman, deb o‘ylab, shu yerga keldim. Men bu Olimpiadani intiqlik bilan kutgandim. Men o‘z mamlakatimga “oltin” olib kelmoqchi edim. Ko‘k bayrog‘imiz hilpirab, madhiyamiz yangrashini xohlagandim. Hammasi biz xohlagandek bo‘lmadi. Menimcha, men yaxshi jismoniy formada edim. Menga bir oz omad yetishmadi, shekilli. Ammo, Xudoga shukur, qozoq xalqi sharafini himoya qilish baxtiga muyassar bo‘ldim.

Meni g‘alaba va mag‘lubiyatlarda qo‘llab-quvvatlagan barchangizga rahmat aytaman. Yaxshi so‘zlaringiz uchun rahmat!”, deb yozdi Saken o‘zining ijtimoiy tarmoqdagi sahifasida.

Vazni 51 kilogrammgacha bo‘lgan bokschilar o‘rtasidagi musobaqaning chorak finalida o‘zbekistonlik Olimpiada chempioni Hasanboy Do‘stmatov Saken Bibossinovni mag‘lubiyatga uchratgan edi.

Yarim finalda Rio Olimpiadasi chempioni Kabo-Verde vakili David de Pinani mag‘lubiyatga uchratib Olimpiada finaliga yo‘l oldi. “Zamin” yangiliklarini “Twitter”da kuzatib boring