La Liga. “Real” oʻz uyida “Barselona”ga yirik hisobda magʻlubiyatga uchradi (video)

Futbol boʻyicha Ispaniya chempionatining 11-turidan oʻrin olgan markaziy uchrashuv Ispaniya poytaxti Madrid shahrida boʻlib oʻtdi.

Unda “Real” klubi Kataloniyaning “Barselona” klubini qabul qildi. Uchrashuvning birinchi boʻlimi teng kurashlar ostida oʻtdi. Mezbonlar hujumchilari Vinisius va Mbappe golga juda yaqin keldi. Ammo ular uyushtirgan hujumlarning aksari ofsayd sabab hakam tomonidan toʻxtatildi. “Barselona”ning tajribali hujumchisi Levandovski va Yamalda ham birinchi boʻlimda yaxshi imkoniyat boʻldi. Afsuski, hujumchilar bundan foydalana olmadi.

30-daqiqada Mbappe hisobni ochdi. Gol VAR tomonidan koʻrib chiqildi va bekor qilindi — ofsayd. Birinchi boʻlimda hisob ochilmadi.

Uchrashuvning 54-daqiqasida Levandovski hisobni ochdi. Ikki daqiqa oʻtib Levandovski bosh bilan gol urib hisobni mehmonlar uchun ishonchli holatga keltirdi.

Mbappe va Vinisiusning ikkinchi boʻlimdagi zarbalariga ba'zan aniqlik etmadi, ba'zan ofsayd sabab hujum toʻxtatildi.

77-daqiqada Yamal hisobni 0-3 ga etkazdi. 84-daqiqada Rafinya hisobdagi farqni 4 taga etkazdi.

Shu tariqa, «Barsa» 30 ochko bilan peshqadamlikni davom ettirmoqda. «Real» esa raqibidan 6 ochko ortda qolib, 24 ochko bilan 2-oʻrinda bormoqda.

La Liga
11-tur
26 oktyabr, shanba

“Real Madrid” – “Barselona” 0:4
Gollar: 0:1 – Levandovski (54), 0:2 – Levandovski (56), 0:3 – Yamal (77), 0:4 – Rafinya (84).
“Real Madrid”: Lunin, Mendi, Ryudiger, Militao, Vaskes, Kamavinga (Braim Dias, 77), Tchuameni (Modrich, 63), Valverde, Bellinghem, Vinisius Junior, Mbappe.
“Barselona”: Penya, Balde, Martines, Kubarsi, Kunde, Pedri, Kasado (Olmo, 65), Lopes (de Yong, 46), Rafinya, Yamal, Levandovski.
Ogohlantirishlar: Kasado (44), Kunde (69), Martines (75), Vinisius Junior (80), Penya (82). “Zamin” yangiliklarini “Telegram”da kuzatib boring