Fransiya poytaxti Parij shahri mezbonlik qilgan yozgi Olimpiya o‘yinlarining boks musobaqasi o‘zbekistonlik charm qo‘lqop ustalarining yorqin va yaqqol g‘alabasi bilan yakunlandi.
Erkaklar o‘rtasida yetti vazn toifasida o‘tkazilgan bellashuvlarda hamyurtlarimiz beshta oltin medalni qo‘lga kiritdi. O‘z vaznida barcha raqiblarini mag‘lub etgan Hasanboy Do‘smatov, Abdumalik Xalakov, Asadxo‘ja Mo‘ydinxo‘jayev, Lazizbek Mullajonov va Bahodir Jalolov Parij Olimpiadasida shohsupaning eng yuqori pog‘onasiga ko‘tarildi.
Chempion bokschilarimizdan faqatgina Bahodir Jalolov bundan buyon bor e’tiborini professional janglarga qaratishini e’lon qilib, havaskorlar boksini tark etdi.
Og‘ir vaznli bokschimiz Lazizbek Mullajonovning kelajakdagi faoliyati haqidagi qarori raqiblarni xavotirga solib qo‘ydi.
25 yoshli olimpiya chempioni havaskor boksdagi faoliyatini davom ettirishga qaror qildi. Shu bilan birga Lazizbek professional ringdagi ishtirokini ham parallel tarzda olib boradigan bo‘lyapti.
- Parij Olimpiadasidagi g‘alabadan keyin to‘liq professional boksga o‘tib ketish fikri tug‘ilgani yo‘q. Men ikki yo‘nalish bo‘yicha faoliyatimni teng davom ettiraman.
Maqsadim – ikkinchi marotaba o‘z yurtim uchun Olimpiya o‘yinlarida g‘olib chiqish.
Qisqa ta’tildan keyin yana terma jamoaga qaytaman. Hozir terma jamoamiz Osiyo chempionatiga tayyorgarlik ko‘rmoqda. Bu musobaqadan keyin men ham tayyorgarliklarga kirishaman, - dedi Lazizbek Mullajonov.
Qozog‘iston sportini yoritib kelayotgan sportarena.kz sayti Lazizbek Mullajonov faoliyati davomida og‘ir vaznli qozoq bokschilarining kushandasiga aylanganiga e’tibor qaratdi. Manbaning ta’kidlashicha, o‘zbek bokschisi 2022 yilgi Osiyo chempionatining finalida Qozog‘iston terma jamoasi yetakchisi Qamshibek Kunkabayevni yenggan.
Shuningdek, qo‘shni mamlakat bokschilaridan Nurlan Safarbaydan ikki bor va Nurdaulet Ulanulidan bir marotaba ustun kelgan.
2023 yilning avgustida professional jangda Nursulton Amanjolovni nokautga uchratgan.
Umuman olganda, Lazizbek Mullajonov havaskorlar boksida barcha nufuzli turnirlarda g‘olib va sovrindor bo‘lgan. Kuchli zarbaga va yuqori texnikaga ega charm qo‘lqop ustasi Olimpiya o‘yinlari, Osiyo chempionati hamda harbiylar o‘rtasidagi jahon chempionatida oltin medallarga sazovor bo‘lgan. Jahon chempionatida bronza medal bilan taqdirlangan.
Lazizbek professional boks bo‘yicha mag‘lubiyatsiz odimlamoqda. Hamyurtimiz shu kunga qadar to‘rt marotaba jang o‘tkazib, ularning barida raqiblarini muddatidan oldin taslim qilgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Turkiya o‘zining birinchi kvant kompyuterini taqdim etdi
Metabolizm sekinlashganining belgilari
Har payshanba jismoniy tarbiya va sport kuni sifatida belgilanadi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Husiylar Isroil aviabazasiga gipertovushli raketa bilan zarba berdi
