“Real Madrid” bosh murabbiyi Karlo Anchelotti “Valensiya”ga qarshi bahs oldidan matbuot anjumanida ishtirok etdi. Mutaxassis Ispaniya La Ligasidagi raqiblari “Barselona” va “Atletiko Madrid” bilan boʻlayotgan kurash haqidagi savolga javob berdi.
“Biz uchun “Atletiko” ham “Barsa” ham chempionlik kurashidagi ikkita bir xil raqib hisoblanadi. Noyabr oyida jamoam bilan birga bir nechta muammolarga duch kelgan edik. Yilning soʻnggida esa kataloniyaliklar bilan ham shunday voqea roʻy berdi. Shu bois, hozirda uch klub ham chempionlik uchun teng imkoniyatlarga ega va eng asosiy favorit ham hisoblanishadi” – deya, ta'rif berib oʻtdi italiyalik bosh murabbiy.
Xabaringiz bor, “matraschilar” 18 ta uchrashuv oʻtkazib, 41 ochkoga ega boʻldi va turnir jadvalida peshqadamlik qilmoqda. “Qaymoqranglilar” esa 18 ta toʻqnashuvdan soʻng 40 ochko jamgʻarib, 2-oʻrinni band qilayotgan boʻlsa, Flik boshchiligidagi “koʻk-anorranglilar” 19 ta oʻyinda ishtirok etib, 38 ochko toʻplagan holda 3-pogʻonani egalladi.
Eslatib oʻtamiz, Ispaniya La Ligasining 12-turidan oʻrin olgan “Real Madrid” va “Valensiya” toʻqnashuvi ma'lum sabablarga koʻra, qoldirilgan edi. Mazkur bahs 3 noyabr kuni Toshkent vaqti bilan 01:00 da start olishi rejalashtirilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Tadbirkorning qarzini toʻlamagan tashkilot mulklaridan ayrilib qolishi mumkin edi
Kimlar “Arsenal”ning qishki transferlar oynasidagi “oʻljasi”ga aylanadi?
Qanday qilib 21 yoshli Abbosbek Fayzullayev RPL yulduziga aylandi?
Joriy yilda sogʻliqni saqlash tizimida qanday yangiliklar kutilmoqda?
Tramp saylovdagi gʻalabasidan keyin donorlardan qariyb 200 mln dollar toʻpladi
"Manchester Siti" oʻzbekistonlik himoyachini qoʻlga kiritadimi?
Har safar harakat qilganimda magʻlub boʻldim... Nega menga omad kulib boqmaydi?
Eldor Shomurodov uchun kurashga jiddiy klub qoʻshildi
