“Real” Ispaniya chempionatining 20-turida oʻz maydonida “Las-Palmas” ustidan 4:1 hisobida gʻalaba qozonib, musobaqa jadvalida birinchi oʻringa koʻtarildi.
Chempionlik uchun kurashda madridliklarning asosiy raqiblaridan “Atletiko” safarda “Leganes”ga yutqazgan boʻlsa, “Barselona” futbolchilari “Xetafe” maydonida ikki ochko yoʻqotdi.
“Real” uchun ikkita gol urgan Kilian Mbappe oʻyindan keyin oʻz fikrlarini bildirdi.
- "Bu biz uchun juda muhim gʻalaba boʻldi, chunki biz bir kun avval “Atletiko” va “Barselona”ga nima boʻlganini bilardik. Gʻalabani koʻzlab oʻynadik va yutdik. Erta gol oʻtkazib yuborgandan keyin qiyin boʻladi, lekin jamoa oʻzini tez tiklay oldi.
Hujumkor oʻyin koʻrsatdik, boʻsh hududlarni topdik va koʻp gol urdik. Muxlislar bu oʻyindan zavq oldi. Endi biz chempionat peshqadamimiz", - dedi Kilian Mbappe.
“Real” bu muvaffaqiyatdan keyin 46 ochko bilan birinchi oʻringa koʻtarildi. “Atletiko” hisobida 44, “Barselona”da 39 ochko bor. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
