“Real” Alvaro transferi uchun 50 million to‘lashi mumkin

“Real Madrid” yozgi transfer oynasida ilk jiddiy qadamini tashlamoqda. Ispaniyaning eng mashhur klubi himoya chizig‘ini mustahkamlash maqsadida “Benfika”da to‘p tepayotgan yosh iqtidor sohibini o‘z safiga qo‘shish harakatida. Gap 22 yoshli ispaniyalik himoyachi Alvaro haqida ketmoqda.

Ma’lumotlarga ko‘ra, “qaymoqranglilar” futbolchi bilan shaxsan kelishib olgan va unga shartnoma taklif qilgan. Klub 2 iyundan boshlanadigan mavsumoldi yig‘inlarigacha transferni rasmiylashtirishni istamoqda. Bundagi asosiy maqsad — Alvaroni 15 iyun kuni start oladigan Klublar o‘rtasidagi Jahon chempionatida ishtirok etkazish.

Biroq “Benfika” bu kelishuvni osonlik bilan amalga oshirishni xohlamayapti. Lissabon klubi o‘z himoyachisini 50 million yevro qiymatda baholayapti. “Real” esa avvalroq bu narxni pasaytirishga umid qilgan, ammo vaziyat murakkablashgani bois, hozirda qo‘shimcha to‘lovlarga ham rozi bo‘lmoqda.

“Marca” nashrining xabar berishicha, madridliklar kelishuvni yaqin kunlar ichida yakunlash uchun zarur mablag‘ni topishga tayyor. Agar muzokaralar muvaffaqiyatli yakun topsa, Alvaro “Santyago Bernabeu”da o‘zining yangi sahifasini ochishi mumkin.

Eslatib o‘tamiz, Alvaro joriy mavsum Portugaliya chempionatida 32 ta uchrashuvda ishtirok etib, 3 ta gol va 1 ta assist bilan jamoasiga hissa qo‘shgan. Uning Transfermarkt'dagi bozor qiymati 22 million yevro deb baholanmoqda.

Shubhasiz, agar bu transfer amalga oshsa, “Real” kelajakka investitsiya kiritgan bo‘ladi. Alvaroning tezkorligi, kuchli pozitsiya tanlashi va himoyadagi ishonchli o‘yini jamoa uchun muhim qo‘shimchaga aylanishi mumkin. Muxlislar esa endi bu jarayonni qiziqish bilan kuzatishmoqda. “Zamin”ni Telegramʻda oʻqing!