"Kristal Pelas" yozgi transferlar oynasida ikki yangi futbolchini safiga qo‘shishga ulgurdi: darvozabon Uolter Benites va himoyachi Borna Sosa. Biroq, klub uchun eng katta o‘zgarish Eberechi Eze "Arsenal"ga 67,5 mln yevro evaziga ketishi bilan bog‘liq bo‘ldi. Shuningdek, Mark Gexining sotilishi ehtimoli ham mavjud.
SunSport nashrining ma’lumotlariga ko‘ra, "Kristal Pelas" bosh murabbiyi Oliver Glasner yozgi transferlar oynasi yakunlanishidan oldin katta "transfer"ni rejalashtirmoqda. Klub 30 yoshli "Manchester Siti" himoyachisi Manuel Akanji uchun rasmiy taklif yo‘lladi. Ushbu taklif 15 million funt va bonuslarni o‘z ichiga oladi.
Akanji o‘tgan mavsumda "Manchester Siti" safida 40 o‘yinda ishtirok etib, 2 ta golli uzatma berishga muvaffaq bo‘lgan. 2022 yilda "Borussiya Dortmund"dan "Siti"ga o‘tganidan keyin u umumiy 136 o‘yinda 5 ta gol va 3 ta assist amalga oshirdi.
Shveysariya terma jamoasi himoyachisi ikkita Premer-liga chempioni bo‘lgan. Hozirda u "Kristal Pelas"dan ketishi mumkin bo‘lgan Mark Gexining o‘rnini bosishi kutilmoqda.
Bunday transferlar klubning har tomonlama kuchayishini ta’minlaydi va yangi mavsumga qulay sharoit yaratadi.
