1 sentyabr kuni Ispaniya chempionatida yozgi transfer oynasi rasman yakunlandi. Bu yil La Liga jamoalari ham ancha faollik ko‘rsatdi va yirik mablag‘larga qator yulduzlarni o‘z safiga qo‘shib oldi. Ispaniya maydonlaridagi kurash yanada qizg‘in kechishi tabiiy.
2025/2026 mavsum yozgi transferlaridan eng qimmat beshtaligi quyidagicha:
1. Din Heysen — «Bornmut»dan «Real Madrid»ga, €62,5 mln
2. Alvaro Karreras — «Benfika»dan «Real Madrid»ga, €50 mln
3. Franko Mastantuono — «River Pleyt»dan «Real Madrid»ga, €45 mln
4. Aleks Baena — «Vilyarreal»dan «Atletiko Madrid»ga, €42 mln
5. Jorj Mikautadze — «Lion»dan «Vilyarreal»ga, €31 mln
Ko‘rinib turibdiki, «Real» yozgi bozorda eng faol klub bo‘ldi. Madrid jamoasi tarkibini yosh va iqtidorli futbolchilar bilan kuchaytirdi. Bu transferlar orqali «qirollik klubi» oldindagi Yevropa maydonlarida ham katta maqsadlar sari intilayotganini ko‘rsatdi.
Eslatib o‘tamiz, La Ligada ortda qolgan uch turdan keyin «Real Madrid» 9 ochko bilan peshqadamlikni qo‘lga kiritgan. Ikkinchi o‘rinda ham 9 ochkoga ega «Atletik Bilbao» joy olgan. «Vilyarreal» va «Barselona» esa 7 ochkodan to‘plab, kuchlilar safida qolmoqda.
Ispaniya maydonlaridagi bu mavsum muxlislar uchun yanada qiziqarli va dramatik kechishi kutilmoqda. Yirik transferlardan so‘ng, La Ligadagi raqobat yanada kuchayishi tabiiy.
“Zamin”ni Telegramʻda oʻqing!
