"Madrid derbisi"da «Atletiko» o‘z uyida «Real»ni yirik 5:2 hisobida mag‘lub etib, muxlislarini quvonchga burkadi. Uchrashuvdan keyin jamoa bosh murabbiyi Diyego Simeone jurnalistlar bilan fikr almashdi va o‘yin tafsilotlari haqida so‘z yuritdi.
Simeonening ta’kidlashicha, «Real» dunyoning eng kuchli klublaridan biri hisoblanadi va bellashuv oldidan ularga qanday qiyinchilik tug‘dirish mumkinligini puxta o‘ylab chiqqan. Uning so‘zlariga ko‘ra, Niko Gonsales, Juliano Simeone, Pablo Barrios va Xulian Alvares qanotlarda faol harakat qilib, markaziy himoyachilarni ortga tortib, Aleksandr Syorlot uchun qulay imkoniyatlar yaratishgan. Shu tariqa, «Atletiko» golli vaziyatlarni samarali amalga oshirishga muvaffaq bo‘ldi.
«Ikki bor darvozamizga to‘p kiritilganiga qaramay, jamoamning o‘yinidan juda mamnunman. Hissiyotlarimni ifoda etish qiyin. Bu mavsum biz uchun oson boshlanmadi, lekin shunday sharoitda ham butun klub jamoasi qattiq mehnat qildi. Ulardan minnatdorman, chunki bu mehnatning mevasi maydonda ko‘zga tashlandi», – dedi murabbiy.
Argentinalik mutaxassis «Liverpul»ga qarshi kechgan bahsdan keyin jamoa aniq rivojlanish yo‘lini topganini ta’kidladi. Shu bilan birga, u ayniqsa Xulian Alvaresning o‘yiniga alohida to‘xtaldi. «Alvares nafaqat hujumda muhim kuch, balki sadoqati va jamoaga bo‘lgan sadoqati bilan ham ajralib turadi. Uning mehnatsevarligi va iqtidori klubimiz uchun beqiyos. Bizga u kerak, uni asrab qolishimiz shart va umid qilamanki, Xulian yana ko‘p yillar davomida «Atletiko» sharafini himoya qiladi», – deya qayd etdi Simeone.
«Atletiko»ning derbidagi g‘alabasi nafaqat jamoa, balki butun klub tizimi uchun katta ruhiy turtki bo‘ldi. Simeone esa o‘z navbatida, bunday g‘alabalar mehnat va sadoqat mevasi ekanini ta’kidlab o‘tdi.
“Zamin”ni Telegramʻda oʻqing!
