"Barselona" hujumchisi Markus Reshford tez orada bo‘lib o‘tadigan "Real"ga qarshi o‘yin haqida fikr bildirdi. Bu haqda Euro-football.ru xabar berdi.
Joriy hafta seshanba kuni "Barselona" Chempionlar ligasida Gretsiyaning "Olimpiakos" jamoasini 6:1 hisobida mag‘lub etdi. Endi kataloniyaliklar yakshanba kuni "Santyago Bernabeu" stadionida "Real Madrid" bilan La Liga doirasida uchrashadi.
Markus Reshford ushbu o‘yinga katta ahamiyat qaratayotganini aytdi. U "Barselona" safiga aynan shunday muhim bahslar uchun kelganini ta’kidladi va o‘yin boshlanishini intiqlik bilan kutayotganini bildirdi.
27 yoshli ingliz futbolchisi mavsum yakunigacha "Manchester Yunayted"dan ijaraga olingan. "Olimpiakos"ga qarshi o‘yinda Reshford ikki bor raqib darvozasini ishg‘ol qildi.
Shuningdek, Fermin Lopes uchta gol urdi, Lamin Yamal ham o‘z hisobiga bitta gol yozdirib qo‘ydi. "Barselona" va "Real" o‘rtasidagi bahs joriy haftaning eng qiziqarli o‘yinlaridan biri bo‘lishi kutilmoqda.
Klub muxlislari bu qarama-qarshilikdan yuqori natija kutmoqda.
“Zamin”ni Telegramʻda oʻqing!
