Germaniya chempionatining 8-turida "Shtutgart" oʻz maydonida "Mayns"ni qabul qilib, dastlab hisobda ortda qolgan boʻlsa-da, gʻalaba qozondi. 41-daqiqada "Mayns" futbolchisi Nadim Amiri penaltidan darvozani ishgʻol qilib, jamoasini oldinga olib chiqdi.
Biroq tanaffusga qadar Kris Fyurix uzoq masofadan yoʻllagan zarbasi bilan hisobni tenglashtirdi. 79-daqiqada "Shtutgart" darvozaboni Aleksandr Nyubelning aniq uzatmasi natijasida Deniz Undav jamoasiga gʻalaba keltirgan golni kiritdi – 2:1.
Shu tariqa, "Shtutgart" beshinchi marta ketma-ket gʻalaba qozonib, 18 ochko bilan chempionat jadvalida kuchli uchlikka koʻtarildi. "Mayns" esa atigi 4 ochko bilan jadvalning soʻnggi oʻrinlarida qolmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
