Rossiyalik taniqli murabbiy Sergey Tashuyev PSJ darvozaboni Matvey Safonovning kelajagi haqida fikr bildirdi. Sobiq "Krasnodar" darvozaboni joriy mavsumda oʻyin amaliyotiga ega boʻlmayapti, chunki u Luka Shevalye bilan raqobatda imkoniyatni boy bermoqda.
"U oʻziga, "Krasnodar"ga va umuman bizning futbolimizga juda koʻp hissa qoʻshdi. Ammo hozir uning koʻproq oʻynash haqida oʻylashi kerak.
Yevropaning boshqa klublari unga qiziqish bildirishi aniq", - dedi Tashuyev "Sovetskiy sport"ga bergan intervyusida. Yaqinda parijliklar rahbariyati transfer bozorida Safonovga muqobil darvozabon qidirayotgani haqida xabarlar tarqaldi.
Safonov PSJ safida 17 oʻyinda maydonga tushib, ulardan yettisida darvozasini daxlsiz saqlab qolgan. U PSJ bilan birga Fransiya chempionati, Kubogi, Superkubogi hamda Chempionlar Ligasi gʻolibligini qoʻlga kiritgan.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
