Spalletti "Yuventus" bazasida paydo bo'ldi

Italiyalik tajribali murabbiy Luchano Spalletti "Yuventus"ning mashg'ulot bazasiga yetib kelgani haqida Football Italia xabar berdi. Manbalarga ko'ra, 66 yoshli mutaxassis yaqin vaqt ichida klub bilan rasmiy shartnoma imzolashi kutilmoqda.

Ushbu bitim 2026 yil yozigacha mo'ljallangan bo'lib, uni uzaytirish imkoniyati ham mavjud. Ayni damda "Yuventus" A Seriya turnir jadvalida 15 ochko bilan ettinchi o'rinda bormoqda.

Jamoa navbatdagi turda safarda "Kremoneze"ga qarshi o'yin o'tkazadi. Uchrashuv Moskva vaqti bilan 22:45 da boshlanishi belgilangan.