“Real” bosh murabbiyi Xabi Alonso hujumchi Vinius Junning “Barselona”ga qarshi o‘yinda almashtirilganidan keyin qilgan keskin reaksiyasidan so‘ng uzr so‘raganidan mamnun ekanini ma’lum qildi. Bu haqda El Chiringuito xabar bermoqda.
Shuningdek, Alonso Viniusga shunday vaziyatlar yuzaga kelganda, shikoyatlarini bevosita murabbiy bilan muhokama qilish zarurligini tushuntirdi. Avvalroq matbuotda Viniusning uzr bayonotida Xabi Alonsoni ataylab tilga olmagani, bunga murabbiyning unga bo‘lgan munosabatidan norozi ekani sabab bo‘lgani haqida xabarlar tarqalgan edi.
“Real” ayni paytda La Liga doirasida “Valensiya”ga qarshi bo‘ladigan uy uchrashuviga tayyorgarlik ko‘rmoqda. Uchrashuv joriy yil 1-noyabr, shanba kuni Moskva vaqti bilan 23:00 da boshlanadi.
