Spalletti: Yuventus Chempionlar Ligasi yoʻlida

Yuventusning yangi bosh murabbiyi Luchano Spalletti jamoaning joriy mavsumdagi maqsadlari haqida fikr bildirdi. "Agar men bu jamoaga ishonmagan boʻlsam, 8 oylik shartnomaga rozi boʻlarmidim?

Men Yuventusda yaxshi natijalarga erishishim mumkin deb oʻylayman. Holatni oʻzgartirish imkoniyatimiz borligini koʻryapman.

Sizga aniq natija haqida ayta olmayman, ammo maqsadlar juda yuqori, chunki Yuventus kabi klub Chempionlar Ligasiga yoʻl olishga intilishi kerak", — dedi Spalletti matbuot anjumanida. Oʻtgan turda A Seriyada Yuventus Udinezeni 3:1 hisobida magʻlubiyatga uchratib, barcha musobaqalardagi 8 oʻyindan iborat gʻalabasiz seriyasiga yakun yasadi.

9 ta oʻyindan soʻng, Turin klubi 15 ochko bilan chempionatda 7-oʻrinni egallab turibdi. “Zamin”ni Telegramʻda oʻqing!