"Yuventus" bosh murabbiy sifatida tayinlangan Luchano Spalettining ilk o‘yinida "Kremoneze"ni safarda 2:1 hisobida mag‘lub etdi. Turin klubiga g‘alaba keltirgan gollarni Filip Kostic va Andrea Kambyaso 2 va 68-daqiqalarda kiritdi.
Mezbonlar safida esa 83-daqiqada Jeymi Vardi o‘z nomini tabloga yozdirib qo‘ydi. "Men ikkinchi bo‘limda bizning noto‘g‘ri yondashuvimiz bor edi, deb aytmasdim – bu ko‘proq noto‘g‘ri odatlarga bog‘liq.
Biz hech qanday aniq sabab bo‘lmasdan juda chuqur himoyaga chekinib ketdik. G‘alaba juda muhim edi.
Taktika masalasida esa murabbiy qaror qiladi – men har narsaga tayyorman", – dedi Dushan Vlahovich italiyalik jurnalistlarga. Eslatib o‘tamiz, Luchano Spaletti "Yuventus" bosh murabbiyi lavozimiga avvalroq iste’foga chiqarilgan Igor Tudor o‘rniga tayinlangan edi.
