“Chelsi” bosh murabbiyi Enzo Mareska hujumchi Joao Pedroning uzoq kutilgan goli haqida fikr bildirdi. Braziliyalik futbolchi avvalgi sakkiz o‘yinda gol ura olmagan edi.
Biroq, shanba kuni bu noxush seriya yakunlandi: 24 yoshli hujumchi APL doirasida “Tottenxem”ga qarshi o‘yinda jamoasining yagona golini urdi. “Pedro hech qachon biz uchun muammo bo‘lmagan.
Uning yagona muammosi – sog‘lig‘i tufayli har kuni mashg‘ulot o‘tkaza olmasligi, har bir o‘yinga 100% tayyor bo‘lmasligi. Joao gol urishni davom ettiradi.
U “Liverpul”ga qarshi o‘yinda ham juda yaxshi edi. Endi esa Liam Delap qaytdi va hujumda imkoniyatlarimiz yanada oshdi”, – dedi Mareska matbuot anjumanida.
Eslatib o‘tamiz, Joao Pedro o‘tgan yozgi transfer oynasida “Braighton”dan “Chelsi”ga 60 million yevrodan ortiq mablag‘ evaziga kelib qo‘shilgan edi.
