Rima klubi afsonasi Daniele De Rossi "Genua" jamoasining yangi bosh murabbiyi bo'lish uchun asosiy nomzodlardan biri sifatida ko'rilmoqda. Joriy yil 1-noyabr kuni fransuz mutaxassisi Patrik Viyera iste'foga chiqarilgan edi.
Oldinda "Sassuolo"ga qarshi o'yinda jamoani vaqtincha murabbiylar — Roberto Murgita va Domeniko Krishito boshqaradi. A Seriyaning 9-turidan so'ng atigi 3 ochko bilan turnir jadvalining so'nggi pog'onasida bo'lgan "Genua" keyinchalik doimiy bosh murabbiyni izlashni boshlaydi.
Krishito va Murgita doimiy murabbiy sifatida qoldirilishi ehtimoli ham mavjud. Shu bilan birga, La Gazzetta dello Sport xabariga ko'ra, bu lavozimga Raffaele Palladino, Paolo Vanoli, Luka Gotti va Daniele De Rossi kabi boshqa nomzodlar ham da'vogarlik qilishmoqda.
De Rossi "Roma"ni 2024/25-yilgi mavsumda tark etganidan beri ishsiz qolgan.
