Manchester Siti hujumchisi Erling Haaland raqib darvozalarini muntazam ishgʻol etishda davom etmoqda. "Bornmut"ga qarshi o'yinda (3:1) norvegiyalik forvard ikkita gol urib, "olxoʻri"lar darvozasini 17 va 33-daqiqalarda ishgʻol qilgan.
Joriy mavsumda Haalandning hisobida 13 gol bor, Manchester Siti esa jami 20 gol urgan. Bu shuni anglatadiki, jamoaning gollarining 65 foizi Haaland hissasiga toʻgʻri keladi, bu esa ligadagi eng yuqori koʻrsatkich hisoblanadi.
Ikkinchi oʻrinni 43% koʻrsatkich bilan "Kristal Pelas"dan Jan-Filipp Mateta va "Brentford"dan Igor Tiago boʻlishmoqda. Manchester Siti hozirda APL turnir jadvalida 19 ochko bilan ikkinchi oʻrinda bormoqda.
Jamoa yetakchi Arsenaldan 6 ochko ortda qolmoqda.
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
