Holann Sherkini maqtadi: "Ajoyib uzatmalar"
Erling Holann “Bornmut”ga qarshi o‘yinda ikkita gol urib, “Manchester Siti”ning 3:1 hisobidagi g‘alabasiga hissa qo‘shdi. Har ikki golga 22 yoshli Rayan Sherki golli uzatma berdi. Holann Sherkining iqtidorini yuqori baholab, uning ikkita ajoyib pasini alohida ta’kidladi. Rayan Sherki iyun oyida “Lion”dan “Manchester Siti”ga o‘tgan va u bilan shartnoma 2030 yilning o‘rtalarigacha tuzilgan.
Manchester Siti hujumchisi Erling Holann jamoasi futbolchisi Rayan Sherki haqida iliq fikr bildirdi. Yakshanba kuni norvegiyalik forvard Angliya Premyer-ligasi doirasida "Bornmut"ga qarshi oʻyinda dublyaga erishdi.
Ikkala golga ham 22 yoshli fransiyalik futbolchi Sherki golli uzatmalar berdi. Uchrashuv "shaharliklar"ning 3:1 hisobidagi gʻalabasi bilan yakunlandi.
"Biz hammamiz Sherkining qanday iqtidorli ekanini bilamiz, shuning uchun uning mahoratidan maksimal darajada foydalanishga harakat qilamiz. Bugun u menga ikkita ajoyib golli pas berdi.
Kelgusida ham u menga koʻplab uzatmalar qilishi mumkin, degan umiddaman", — dedi Holann Sky Sports telekanaliga bergan intervyusida. Eslatib oʻtamiz, Rayan Sherki shu yilning iyun oyida Fransiyaning "Lion" jamoasidan "Manchester Siti" safiga qoʻshilgan edi.
Hujumkor yarim himoyachi bilan shartnoma 2030 yilning oʻrtalarigacha tuzilgan.
Izohlar 0
…