“Barselona” vingeri Rafinya Diash “Oltin toʻp” bo‘yicha oʻz fikrlarini bildirdi. Braziliyalik futbolchi joriy yilda ovoz berish natijalariga koʻra beshinchi oʻrinni egalladi.
Biroq koʻpchilik uni bundan yuqori oʻringa loyiq deb hisoblamoqda. “Albatta, men hafsalam pir boʻldi.
Katta umidlarim bor edi, men “Oltin toʻp”ni qoʻlga kiritishni xohlagandim. Har kuni astoydil mehnat qilganingda va ajoyib mavsum oʻtkazganingni his qilganingda, tabiiyki, eng yuqori mukofotni kutasan.
Kelajakda “Oltin toʻp”ni yutish imkoniyatim boʻladi deb oʻylayman. Futbol turli davrlar va yangi imkoniyatlarga boy.
Beshinchi oʻrin hali ham oʻsishga joy borligini koʻrsatdi. Har mavsum oʻzingni namoyon qilish, sovrinlar yutish va eʼtirofga erishish uchun yangi imkoniyatdir.
Men buni qoʻshimcha motivatsiya sifatida qabul qilaman, bosim sifatida emas. Oʻz imkoniyatlarimni yaxshi bilaman”, — deydi 28 yoshli futbolchi o‘z intervyusida.
Eslatib oʻtamiz, “Oltin toʻp” sovrini bu yil PSJ futbolchisi Usmon Dembelega nasib etdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
