Dani Alves: "Xudo bilan kelishuvga erishdim"

Sobiq "Barselona" yulduzi Dani Alves boshidan kechirgan voqealardan soʻng hayotini qayta koʻrib chiqishga qaror qildi. U oʻzining soʻzlariga koʻra, Xudoga yaqinlashganini taʼkidlamoqda.

Ayni paytda Dani Jironada, Barselonaga yaqin hududda yashaydi va muntazam ravishda cherkovga boradi. "Men Xudo bilan kelishuvga erishdim", – dedi u yaqin vaqt ichida bergan intervyusida.

Braziliyalik futbolchining kuchaygan diniy eʼtiqodi uning ijtimoiy tarmoqlardagi koʻplab videolari orqali ham seziladi. Ushbu videolarda Dani oʻzining "ruhiy qayta tugʻilishi" haqida ochiq va taʼsirli tarzda soʻzlab beradi.

Eslatib oʻtamiz, Alves nafaqat "Barselona" va "Sevilya" klublarida, balki Turinning "Yuventus" jamoasida ham oʻynagan. “Zamin”ni Telegramʻda oʻqing!