Lamin Yamal Ispaniya terma jamoasiga chaqirildi

Juma kuni Ispaniya terma jamoasining noyabr yigʻini uchun tarkibi eʼlon qilindi. Bosh murabbiy Luis de la Fuente quyidagi futbolchilarni roʻyxatga kiritdi: Simon, Raya, Remiro – Laport, Vivian, Grimaldo, Llorente, Kukurelya, Kubarsi, Hoysen, Porro – Ruiz, Subimendi, Merino, Alesh Garsiya, Barrios, Baena, Fornals – Oyarsabal, Pino, Olmo, Fermin Lopes, Yamal, Torres, Agexova, Iglesiyas.

Roʻyxatda "Barselona" klubi vingeri Lamin Yamal ham bor. U avvalgi terma jamoa yigʻinini chov sohasidagi muammo sabab oʻtkazib yuborgan edi.

Ispaniya terma jamoasining oldida 2026-yil Jahon chempionati saralash bosqichi doirasida Gruziya (15-noyabr) va Turkiya (18-noyabr) bilan oʻyinlar bor.