Sevilya 300 million yevroga sotilishi mumkin

Ispaniyaning "Sevilya" futbol klubi kelasi yilda yangi egasiga sotilishi mumkin. Bu haqda AS portali xabar bermoqda.

Manba maʼlumotlariga koʻra, bir nechta xorijiy fondlar klub aksiyalarining bir donasiga 3000 yevro (jami 300 million yevro) taklif qilmoqda. Soʻnggi yillarda "Sevilya" yirik aksiyadorlari oʻrtasida kuchli qarama-qarshiliklarga duch kelgan, biroq hozirda ular kelishuvga yaqinlashgan.

Biroq, kelajakdagi xaridor 200 million yevroga teng boʻlgan katta qarzni ham qabul qilishi kerak boʻladi. Klub maʼmuriyati bu raqamni 100 million yevroga kamaytirib koʻrsatishga harakat qilmoqda.

Klubni sotib olishga qiziqish bildirganlar orasida mahalliy tadbirkorlar boshchiligidagi "Uchinchi yoʻl" guruhi ham bor edi, lekin ular aksiyalarning bir donasi uchun 3000 yevrodan kamroq taklif qilgan. “Zamin”ni Telegramʻda oʻqing!