Gvardiola "Liverpul" ustidan g'alabani sharhladi

"Manchester Siti" bosh murabbiyi Pep Gvardiola "Liverpul"ga qarshi 3:0 hisobida erishilgan g‘alabadan so‘ng o‘z fikrlarini bildirdi.

Ushbu o‘yinda shahar jamoasiga g‘alaba keltirgan gollarga Erling Xoland, Niko Gonsales va Jeremi Dokyu mualliflik qildi. Gollar mos ravishda 29-daqiqada, 45-daqiqada va 63-daqiqada kiritilgan.

"Birinchi bo‘lim juda yaxshi o‘tdi. Tanaffusdan keyin esa "Liverpul" bosimni oshirdi. Biz biroz sarosimaga tushib qoldik, ayniqsa dastlabki besh-o‘n daqiqada, bu esa raqibga yordam berdi.

Umuman olganda, futbolchilar ajoyib o‘yin ko‘rsatishdi. Juda mamnunman", – deya ta’kidladi Gvardiola jurnalistlar bilan suhbatda.

Eslatib o‘tamiz, "Liverpul"ga qarshi o‘yin ispan mutaxassisining murabbiylik faoliyatidagi minginchi uchrashuvi bo‘ldi.