Angliya terma jamoasi bosh murabbiyi Tomas Tuxel yarim himoyachi Jud Bellingemning jamoaga qaytishi haqida fikr bildirdi. Bellingem soʻnggi marta iyun oyida Angliya terma jamoasi safida oʻynagan edi.
Sentyabr oyida u yelkasidagi muammolar tufayli oʻtkazilgan yozgi operatsiyadan soʻng tayyor emas edi, oktyabr oyida esa "Real" yarim himoyachisi Tuxelning qarori bilan chaqirilmagan edi. "Men xursandman, Bellingem qaytdi.
U endi 'oʻninchi raqam' rolida harakat qilmoqda. Oʻylashimcha, bu uning eng yaxshi pozitsiyasi.
Uning eng kuchli tomonlaridan biri – bu pozitsiyadan gol urish qobiliyatidir. U 'toʻqqizinchi raqam' kabi nafaqat gol uradi, balki golli paslar ham beradi.
Bu 'oʻninchi raqam' uchun noodatiy holat. Bu oson tuyulishi mumkin, lekin kerakli paytda kerakli joyni egallash qiyin", – dedi Tuxel Daily Express nashriga bergan intervyusida.
Angliya terma jamoasi 2026 yilgi Jahon chempionatiga allaqachon yoʻllanma olgan. Tuxel jamoasi saralash turnirining qolgan ikki uchrashuvida 13-noyabr kuni Serbiya va 16-noyabr kuni Albaniya bilan toʻqnash keladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
