Braziliya terma jamoasi bosh murabbiyi Karlo Anchelotti 40 yoshida ham yuqori saviyada oʻyin koʻrsatayotgan Luka Modrich haqida fikr bildirdi. "Men Modrichning oʻzining ajoyib darajasini saqlab qolayotganidan juda xursandman – bu menga ajablanarli emas.
Uning yaxshi oʻynashini bilar edim, chunki u Jahon chempionatini oʻz oldiga maqsad qilib qoʻygan. Oʻtgan mavsumda mening "Real"imda u yagona futbolchi edi, u birorta ham mashgʻulotni oʻtkazib yubormadi," – dedi Anchelotti "La Gazzetta dello Sport" nashriga.
"Buni qanday uddalaydi?" – deya savolga javob bergan murabbiy: "Genetika va jiddiy yondashuv," – dedi. Shuningdek, oldinroq xabar berilishicha, "Milan" klubida Luka Modrich bilan shartnomani 2026/2027-yilgi mavsum oxirigacha uzaytirish rejalashtirilmoqda.
Mehmon guruhidagi foydalanuvchilar ushbu nashrga izoh qoldira olmaydi.
