Angliya terma jamoasi jahon chempionati saralash bosqichini muammosiz yakunladi va barcha sakkizta oʻyinda gʻalaba qozondi. Yakuniy turda Tomas Tuxel boshchiligidagi jamoa safarda Albaniyani Garri Keynning dublidan soʻng 2:0 hisobida magʻlub etdi.
Opta statistikalariga koʻra, angliyaliklar Yevropa terma jamoalari orasida hech qanday ochko yoʻqotmasdan va gol oʻtkazmasdan saralashni yakunlagan ikkinchi jamoaga aylandi. Ular bunga 1954-yilgi jahon chempionati saralashida toʻrtta oʻyin oʻtkazgan Yugoslaviya terma jamoasidan keyin erishdi.
Angliya terma jamoasining ushbu saralash kampaniyasidagi umumiy toʻplar farqi 22:0 ni tashkil etdi. "Uch sher" Albaniyani 10 ochkoga ortda qoldirgan holda birinchi oʻrinni egalladi.
2026-yilgi jahon chempionati AQSh, Kanada va Meksikada boʻlib oʻtadi va iyundan iyulgacha davom etadi.
Mehmon guruhidagi foydalanuvchilar ushbu nashrga izoh qoldira olmaydi.
