PSJ Xulian Alvares uchun kurashga qoʻshildi

Parijning "PSJ" klubi Madridning "Atletiko" hujumchisi Xulian Alvaresni sotib olish imkoniyatini faol oʻrganmoqda. Jurnalist Sasha Tavolierining maʼlumotiga koʻra, parijliklar bir necha haftadan beri transfer shartlarini tahlil qilmoqda.

Hujumchining oʻzi Luis Enrike qoʻl ostida oʻynash gʻoyasiga ijobiy munosabat bildirmoqda. PSJ bosh murabbiyi argentinalikning mahoratini yuqori baholaydi va 25 yoshli hujumchi uning hujumkor oʻyin tizimiga mukammal mos keladi deb hisoblaydi.

Manbaga koʻra, "Atletiko" Alvaresni 120 million yevro atrofidagi taklif boʻlgan taqdirda sotishga tayyor. Joriy mavsumda La Ligada Alvares 12 oʻyinda 7 ta gol urib, 2 ta golli uzatma amalga oshirdi.

Sardor Ergashev

«ZAMIN.UZ» muharriri