Milan derbisi qor ostida oʻtishi mumkin

Kelasi hafta Italiya A Seriyasi doirasida boʻlib oʻtadigan eng muhim oʻyin Milan shahri derbisi boʻladi. Ushbu bahsda "Inter" klubi mezbon sifatida "Milan"ni qabul qiladi.

Ammo ob-havo prognozlari oʻyin oldidan xavotir uygʻotmoqda — uchrashuv qor yogʻayotgan sharoitda boʻlib oʻtishi ehtimoli yuqori. Shimoliy Italiya, xususan, Alp togʻlariga yaqin hududlarda ob-havo koʻpincha butun Italiyaga xos boʻlgan tipik iqlimdan sezilarli farq qiladi.

"Milan" va "Inter" oʻyinlarida qor yogʻishi odatiy hol emas. Soʻnggi bora bu kabi holat 2013-yilning 24-fevralida kuzatilgan edi.

Oʻsha uchrashuvda hisob 1:1 bilan yakun topgan, gollarga El-Shaaravi va Skelotto mualliflik qilishgan.