“Real Madrid” klubi braziliyalik hujumchi Vinisius Junior bilan shartnomani uzaytirish bo‘yicha og‘zaki kelishuvga erishgani ma’lum bo‘ldi. Bu haqda ishonchli manbalarda xabar berildi.
Uzoq yillardan beri Madrid klubining asosiy yetakchilaridan biri bo‘lib kelayotgan Vinisiusning yangi shartnomasi “Qirollik klubi” uchun strategik ahamiyatga ega. Klub rahbariyati uning jamoadagi o‘rni va barqaror o‘yinini yuqori baholab, muzokaralarni faol davom ettirgan edi.
Kelishuv tafsilotlari hozircha oshkor etilmagan bo‘lsa-da, tomonlar o‘rtasidagi yangi bitim tez orada rasmiylashtirilishi kutilmoqda. Madrid klubi futbolchining kelajagini o‘z tarkibida ko‘rishini bir necha bor ta’kidlagan.
Vinisius Junior so‘nggi yillarda “Real Madrid”ning asosiy hujum kuchlaridan biriga aylangan bo‘lib, uning tezligi, texnikasi va hal qiluvchi gollari jamoaga ko‘plab muhim natijalar keltirgan.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
