La Ligada navbatdagi muhim tur yaqinlashar ekan, “Real Madrid” ustozi Xabi Alonso jamoaning tayyorgarlik jarayoni va kutilgan vazifalari haqida batafsil to‘xtalib o‘tdi. “Qirollik klubi” bu turda “Jirona” maydoniga safar qiladi va uch ochko uchun kurash taqdiri alohida ahamiyatga ega.
Alonsoning aytishicha, jamoa o‘yin rejasini aniq belgilab olgan va raqibga qarshi qanday taktik harakatlar zarurligini yaxshi tushunadi:
“Biz bu o‘yinda nimalar qilish kerakligini bilamiz. Safarda qanday kurashishni ham yaxshi bilamiz. Oxirgi ikki o‘yinni ham Liga chempionlari, ham La Liga doirasida safarda o‘tkazdik — bu biroz noodatiy. Lekin agar birinchi o‘rinlar uchun kurashda qolmoqchi bo‘lsak, ushbu bahsda muvaffaqiyat qozonishimiz shart.”
Murabbiyning ta’kidlashicha, tarkibdagi vaziyat barqarorlashmoqda: jarohatdan tiklangan bir qator o‘yinchilar safga qaytgan va bu jamoaning o‘yin samaradorligini oshirishga ishora.
“Jamoa yaxshi holatda. Ayrim futbolchilar safga qo‘shildi. Biz o‘zimizning eng yaxshi formamizga juda yaqinmiz,” — deydi Alonso klub rasmiy saytiga.
Turnir jadvaliga nazar tashlasak, “Real” 13-turdan keyin 32 ochko bilan ikkinchi o‘rinda bormoqda va yetakchi “Barselona”dan bor-yo‘g‘i ikki ochkoga ortda qolmoqda. “Jirona” esa 11 ochko bilan pastki o‘rinlarda turibdi, ammo o‘z uyida kutilmagan raqobat ko‘rsatishi mumkin bo‘lgan jamoalardan biri sifatida baholanadi.
Shu sabab, bu bahs “Real” uchun oddiy o‘yin emas — peshqadamlik uchun kurashda har bir ochko g‘oyat muhim. Madrid klubi g‘alaba qozonib, chempionlik poygasidagi bosimni yanada oshirishni maqsad qilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
