Madridning "Real" klubi hujumchisi Vinisius Junior braziliyalik hamyurti Neymar tomonidan kelajagi borasida muhim maslahat oldi. 25 yoshli futbolchining "qirollik" klubidagi kelajagi hali ham noma'lum.
Mish-mishlarga ko'ra, tomonlar yangi shartnoma shartlarini kelishib ololmayapti. Shu sababli, mavsum tugagach, Vinisius klubni tark etishi mumkin.
Transfer News Live manbasiga tayanib OK Diario xabariga ko‘ra, Neymar Vinisiusni o‘z xatosini takrorlamaslikka va "Real" bilan shartnomani uzaytirishga undagan. Neymarning "xatosi" deganda uning "Barselona"ni tark etib, rekord darajadagi 222 million yevro evaziga "PSJ"ga o‘tganini nazarda tutishadi.
Keyinchalik, u bu qaroridan afsuslanganini tan olgan. Eslatib o‘tamiz, Vinisius Juniorning Madrid klubi bilan amaldagi shartnomasi 2027 yilning o‘rtalarigacha mo‘ljallangan.
Mehmon guruhidagi foydalanuvchilar ushbu nashrga izoh qoldira olmaydi.
