“Real”ning afsonasiga aylangan sobiq futbolchi va mutaxassis Xorxe Valdano klubning bu mavsumdagi holati haqida keskin, biroq haqqoniy fikr bildirdi. Uning ta’kidlashicha, Madrid grandi joriy mavsumda Kilian Mbappega ortiqcha suyanayotgani allaqachon ko‘rinib qolgan.
26 yoshli fransuz yulduzi so‘nggi turda “Jirona”ga qarshi 1:1 hisobidagi bahsda madridliklarni mag‘lubiyatdan qutqarib qoldi. U penaltini aniq ijro etib, jamoasi uchun hal qiluvchi golni urdi va La Liga to‘purarlar ro‘yxatidagi yetakchiligini yanada mustahkamladi.
Valdano bu borada Madrid Universal nashriga quyidagi fikrlarni bildirdi:
“Har bir muxlis va mutaxassis o‘z-o‘ziga bitta savolni berishi kerak: ‘Agar Mbappe bo‘lmaganida, “Real” bu mavsumda qayerda turgan bo‘lardi?’ Bu savolning o‘zi javobni anglatib turibdi”, — deydi argentinalik mutaxassis.
Haqiqat shundaki, Xabi Alonso qo‘l ostida Mbappe hozirgi kunda jamoaning deyarli yagona doimiy gol uruvchisiga aylangan. Fransiyalik hujumchi mavsumning barcha turnirlarida 19 ta uchrashuvda maydonga tushib, 23 ta gol urdi va 3 ta assist qayd etdi. Bu ko‘rsatkichlar jamoa hali ham yuqori pog‘onalarda turishiga asosiy sabablardan biri bo‘lib turibdi.
Biroq Valdano fikricha, bu darajada bir o‘yinchiga bog‘lanib qolish elita klublar uchun xavfli tendensiya. Madrid jamoasi mavsum uzayar ekan, hujumdagi variantlar ko‘lamini kengaytirishi, jamoaviy o‘yindagi yukni yagona futbolchining yelkasiga ortiqcha yuklab qo‘ymasligi kerak.
Mbappeni to‘xtatib bo‘lmas formada ekanligi “Real” uchun faxr, ammo jamoa o‘yinidagi qo‘shimcha ijodkorlik va turlilikka bo‘lgan ehtiyoj ham sezilib turibdi. Madridliklar oldidagi eng katta vazifalardan biri aynan shu bo‘ladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
