Madridning "Real" klubi hujumchisi Vinisius Junior La Liga doirasida "Atletik" Bilbao jamoasi ustidan qozonilgan 3:0 hisobidagi gʻalabadan soʻng oʻz munosabatini bildirdi. Xabi Alonso boshqaruvidagi jamoa ushbu gʻalabani Kilian Mbappe tomonidan kiritilgan dubl va Eduardo Kamavinganing goli orqali qoʻlga kiritdi.
"Bu – "Madrid". Gollar qaytmoqda.
Endi yakshanba kuni uyda uchrashamiz. Hala Madrid", – deya oʻz fikrlarini bildirdi braziliyalik futbolchi, u uchrashuvda 78-daqiqagacha maydonda harakat qilgan edi.
"Real" safarda ketma-ket olti oʻyinda maydonga tushdi. 7-dekabr kuni "qirollik klubi" "Santyago Bernabeu" stadioniga qaytib, "Selta" jamoasiga qarshi oʻyin oʻtkazadi.
Joriy Ispaniya chempionatida Vinisius hisobida beshta gol va toʻrtta golli uzatma mavjud.
