Yevropa futbolida hafta oxiri yana shov-shuvli kechmoqda — Chempionlar ligasi umumiy guruh bosqichining so‘nggi turi doirasida «Manchester Siti» Madridga safar qilib, mashhur «Real» mehmoni bo‘ladi. Bu o‘yin nafaqat jamoalarning mavqei, balki futbolchilarning kelgusidagi porlashi uchun ham katta ahamiyatga ega.
Pep Gvardiola ushbu muhim bahs uchun 25 nafar futbolchidan iborat keng ro‘yxat tuzib, Madridga yo‘l olmoqda. E’tiborlisi, ushbu ro‘yxatda O‘zbekiston milliy terma jamoasi posboni Abduqodir Husanov ham joy olgan. Demak, u «qirollik klubi»ga qarshi o‘ta yuqori darajadagi jangda maydonga tushishi mumkin — bu o‘zbekistonlik futbol muxlislari uchun alohida g‘urur.
Jamoa tarkibi quyidagicha shakllantirilgan:
Darvozabonlar:
Donnarumma, Trafford, Ortega, Bettinelli.
Himoyachilar:
Mateus Nunes, Riko Lyuis, Ruben Diash, Jadel Katongo, Abduqodir Husanov, Yoshko Gvardiol, Natan Ake, Ayt-Nuri, Niko O’Rayli.
Yarimhimoyachilar:
Niko Gonsales, Bernardu Silva, Harrison Mayls, Tiani Reynders, Fil Foden, Divin Mukasa.
Hujumchilar:
Savino, Oskar Bobb, Rayyan Sherki, Erling Holand, Omar Marmush, Jeremi Dok-u.
Gvardiola jamoasida raqobat keskin, tayyorgarlik esa yuqori darajada. «Real» bilan to‘qnashuv Yevropa futbolidagi eng katta sahnalardan biri hisoblanadi va har bir o‘yinchi o‘z so‘zini aytishga intilmoqda.
Ushbu ulkan to‘qnashuv 10-dekabrdan 11-dekabrga o‘tar kechasi, Toshkent vaqti bilan soat 01:00 da «Santyago Bernabeu»da start oladi.
Husanov uchun bu o‘yin nafaqat tajriba, balki Yevropada ismi keng tarqalishi uchun ham ulkan imkoniyat bo‘lib xizmat qilishi mumkin.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
