Salah faoliyatini davom ettirishning ikki yo‘lini tanlashi mumkin

Futbol agenti Rami Abbos «Liverpul»ning yulduz hujumchisi Mohamed Salahning manfaatlarini himoya qiladi va futbolchining kelajagi haqida fikr bildirdi. «Mohamed «Liverpul»da qolishi yoki Saudiya Arabistoni chempionatiga ko‘chib o‘tishi mumkin», — deya agent so‘zlarini Sabah nashri keltirdi.

Eslatib o‘tamiz, Salah bilan mersisaydlik grand o‘rtasidagi amaldagi shartnoma 2027 yil yozida yakunlanadi. Angliya Premyer-ligasining joriy mavsumida 33 yoshli misrlik futbolchi 14 o‘yinda maydonga tushdi.

Mohamed hisobiga 4 ta gol va 3 ta golli uzatma yozildi. Salahning bozor qiymati 30 million yevroga baholanmoqda.