«Liverpul» bosh murabbiyi Arne Slot «Lids»ga qarshi o'yin oldidan bo'lib o'tgan matbuot anjumanida Florian Virtsning Angliyaga moslashuvi va maydondagi holati haqida fikr bildirdi. Bu haqda euro-football.ru xabar beradi.
Slotning ta'kidlashicha, boshqa mamlakatga ko'chib o'tish futbolchining hayot tarzini tubdan o'zgartiradi va bunday paytda moslashish uchun vaqt kerak bo'lishi mumkin. Murabbiylar uchun bu jarayon nisbatan yengilroq ko'rinsa-da, maydonga tushadigan futbolchilar uchun hamma narsa bir zumda o'zgarib ketishini u yaxshi tushunishini aytdi.
Mutaxassisga ko'ra, chet eldan kelgan o'yinchilar uchun eng katta sinov — Angliya chempionatining yuqori intensivligi. Slot Virtsni o'yindan yomon o'ynagani uchun emas, balki u deyarli yugurishni davom ettira olmay qolganini ko'rib almashtirganini alohida qayd etdi.
Eslatib o'tamiz, Virts o'tgan yozda Leverkuzenning «Bayer» klubidan 125 million yevroga «Liverpul»ga o'tgan. U joriy mavsumdagi 22 uchrashuvda 6 ta golli uzatma muallifi bo'ldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
