2026 yilning ilk bahsida “Manchester Siti” Premer-ligada yangi chiqqan “Sanderlend” maydonidan golsiz durang bilan qaytdi. “Shaharliklar” qancha urinmasin, tabloda nol o‘zgarmadi — o‘yin 0:0.
Bu bahsda e’tibor yana bir bor Erling Xolandga qaratildi. Norvegiyalik to‘purar uchrashuv davomida ikki marta darvoza sari zarba yo‘lladi, ammo hujumlar manzilga yeta olmadi. Ya’ni, “Siti”ning eng katta “quroli” bu safar ham ishlamadi.
Natijada “Sanderlend” Angliya Premer-ligasida Xolandni to‘liq to‘xtatgan yagona jamoa maqomini saqlab qoldi. Qizig‘i, Xoland APLda to‘qnash kelgan boshqa 23 jamoaning har biriga kamida bittadan gol urishga ulgurgan — ammo “Sanderlend”ga qarshi hali ham “qulf” ochilmagan.
Eslatib o‘tamiz, “Sanderlend” mavsum boshlanishidan oldin yana elitaga qaytgandi. Dekabr oyi boshida “Siti”ga qarshi avvalgi to‘qnashuv 0:3 hisobida yakunlangan, lekin o‘sha o‘yinda ham Xoland gol urmagan edi.
Qisqasi, “Sanderlend” uchun bu — katta plyus: ikki o‘yin, nol gol. “Siti” uchun esa bir savol yana qattiqroq yangraydi: Xolandni bu “qo‘rg‘on”ga qarshi qanday ochish mumkin?
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
