Braziliyalik darvozabon Jon Viktor «Nottingem Forest» safida maydonga tushish uchun kamdan-kam beriladigan imkoniyatga ega bo'ldi, biroq «Aston Villa»ga qarshi uchrashuv uning uchun juda omadsiz yakunlandi. «O'rmonchilar» uchrashuvni yutqazdi, hal qiluvchi gol esa Viktorning qo'pol xatosidan keyin urildi: u jarima maydoni tashqarisida to'pni olib qo'ymoqchi bo'lib, shoshqaloqlik qildi. Bu haqda euro-football.ru xabar beradi.
Vaziyat davomida u jamoadoshi bilan to'qnashib ketdi va bundan «Aston Villa» futbolchisi Jon Makginn unumli foydalandi — u bo'sh qolgan darvozaga to'pni bemalol yo'lladi.
Eng yomoni, Jon Viktor o'sha epizodda jarohat ham oldi va murabbiylar shtabi majburan almashtirish qilishiga to'g'ri keldi. Uning tez orada safga qaytishi ehtimoli bor, ammo darvozadagi keyingi ishtiroki masalasi hozircha noaniq.
“Zamin”ni Telegramʻda oʻqing!
