Rossiya terma jamoasi bosh murabbiyi Valeriy Karpin yarim himoyachi Arsen Zaxaryan bilan uchrashgani haqida ma’lum qildi. 22 yoshli futbolchi hozirda Ispaniyaning “Real Sosedad” klubi sharafini himoya qilmoqda. Bu haqda euro-football.ru xabar beradi.
Karpin so‘zlariga ko‘ra, u Madridga yetib kelgan va kecha “Real Sosedad” — “Barselona” uchrashuvini stadiondan tomosha qilgan. Zaxaryan o‘yinda maydonga tushmagan bo‘lsa-da, murabbiy futbolchi bilan bahsdan bir kun oldin suhbatlashishga ulgurgan. Karpin Zaxaryan “Selta”ga qarshi keyingi o‘yinda jamoa safida bo‘lishi mumkinligini ta’kidladi.
Shuningdek, Karpin Yevropa Chempionlar ligasi doirasidagi “Real” — “Monako” uchrashuvini ham kuzatishni rejalashtirmoqda. Ushbu bahsdan so‘ng u terma jamoaning yana bir yarim himoyachisi Aleksandr Golovin bilan ham uchrashishini qo‘shimcha qildi.
“Zamin”ni Telegramʻda oʻqing!
