Holann Soboslai uchun afsusdaligini yashirmadi va qarorni tanqid qildi
Erling Holann Dominik Soboslaining qizil kartochka olganidan afsusdaligini bildirib, hakam qarorini tanqid qildi. APLning 25-turida "Manchester Siti" "Liverpul"ni 2:1 hisobida mag'lub etdi, uchrashuv yakunida esa VAR ko'rigidan so'ng Rayan Sherkining goli bekor qilinib, Holannga nisbatan fol uchun Soboslaiga qizil kartochka ko'rsatildi.
"Manchester Siti" hujumchisi Erling Holann APLning so'nggi turida "Liverpul" yarim himoyachisi Dominik Soboslaining maydondan chetlatilishi yuzasidan fikr bildirdi. Bu haqda euro-football.ru xabar beradi.
Angliya chempionatining 25-turida "shaharliklar" 2:1 hisobida g'alaba qozondi. Uchrashuv yakunida bahsli epizod yuz berdi: Rayan Sherki mersisaydlar darvozasiga to'pni kiritdi, biroq VAR ko'rib chiqilganidan so'ng gol bekor qilindi. Sababi, to'p darvoza chizig'idan o'tishidan avval Soboslai Holannning futbolkasidan tortib, uning hujumni yakunlashiga xalaqit berdi. Hakam golni bekor qildi va Holannga nisbatan "so'nggi umid" qoidasiga mos deb topilgan fol uchun Soboslaiga qizil kartochka ko'rsatdi.
"Hakam qoidalarga amal qilishi kerak... Ammo baribir, rostini aytsam, Dominik Soboslai uchun afsusdaman. Endi unga uch o'yinlik diskvalifikatsiya berishadi... Shunchaki golni hisoblang, qizil kartochka ko'rsatmang! Hammasi shunchaki", — dedi Holann o'yindan keyin.
Keyingi turda "Manchester Siti" o'z maydonida "Fulhem"ni qabul qiladi, "Liverpul" esa safarda "Sanderlend"ga qarshi maydonga tushadi.
Izohlar 0
…