«Barselona» yarim himoyachisi Dani Olmo Pedri jarohat olib safdan chiqqan paytda uning pozitsiyasida o'ynash qanday kechayotgani haqida gapirdi. Bu haqda euro-football.ru xabar beradi.
27 yoshli ispaniyalik futbolchi odatda hujumga yaqinroq harakat qiladi, biroq Pedri yo'qligida jamoa markazida ko'proq mas'uliyatni o'z zimmasiga oldi.
Olmo ta'kidlashicha, bu rolda u to'p bilan tez-tez uchrashadi: «o'nlik»da ba'zan o'yindan uzilib qolish holatlari bo'ladi. Uning aytishicha, raqiblar chuqur himoyalanganda ham bunday pozitsiyada uni yopib qo'yish ancha qiyinroq.
Shu bilan birga, Olmo eng noqulay jihat sifatida o'tish fazalarini ko'rsatdi: raqib kutilmaganda tezkor hujumga o'tsa, qarshi hujumni to'xtatish uchun zudlik bilan ortga qaytishga to'g'ri keladi.
Shanba kuni Hans-Diter Flik boshqaruvidagi «Barselona» o'z maydonida «Vilyarreal»ni qabul qiladi.
“Zamin”ni Telegramʻda oʻqing!
