«Barselona» himoyachisi Erik Garsiya jamoaning o'yin falsafasi va hozirgi holati haqida fikr bildirdi. Bu haqda euro-football.ru xabar beradi.
Garsiya klub tanlagan uslubga ishonchi balandligini ta'kidladi. Uning aytishicha, «Barselona» o'z futboli bilan eng kuchlilar qatorida, biroq buni har safar maydonda natija bilan tasdiqlash zarur. Shuningdek, u jamoa Chempionlar ligasi hamda qolgan barcha sovrinlar uchun kurashishga qodirligini aytdi.
La Liganing 25-turidan so'ng kataloniyaliklar 61 ochko bilan turnir jadvalida peshqadam. Ikkinchi o'rindagi «Real»dan ustunlik esa atigi bir ochkoni tashkil etadi.
Keyingi turda, 28-fevral shanba kuni «Barselona» o'z maydonida «Vilyarreal»ni qabul qiladi. Ispaniya chempionatining 26-tur uchrashuvi 20:15 da (Toshkent vaqti bilan) boshlanadi.
Eslatib o'tamiz, avvalroq Garsiya «Barselona» 0:4 hisobidagi vaziyatdan ham qayta oladi, degan fikrni ham bildirgan edi.
“Zamin”ni Telegramʻda oʻqing!
